Nikum chhungin Malaria vei 17,988 hmuh an ni

Nikum 2023 chhung khan Mizoram-ah Malaria vei mi 17,988 hmuhchhuah awmin Malaria vanga nunna chan mi 9 an awm.

Health Department hnuaia State Vector Borne Disease Control Programme (SVBDCP) chhinchhiah danin, nikum chhung khan Mizoram-ah pumah Sikserh, Malaria kai leh kai loh thisen endik 3,34,100 awmin heng zinga mi 17,988 chuan Malaria an vei tih finfiah a ni a, Lawngtlai District chu Malaria vei hmuhchhuah tamna ber niin 8,040 hmuh an ni a, Lunglei, Mamit leh Siaha District te chu Malaria hmuhchhuah tam zualna a ni. Mihring sang khat zel atanga Malaria vei hmuhchhuah zat atanga chhutin Mizoram chu ramchhunga Malaria vei tamna ber niin nikum khan Malaria vangin mi 9 an thi bawk.

Nikum chhung vek khan Mizoram-ah Thosi atanga natna kai theih, Dengue vei inringhlel mi 12,949 thisen endik atangin mi 2,060 chuan he natna vei an ni tih finfiah a ni a, Dengue vanga nunna chan mi 2 an awm a. Aizawl District chu Dengue natna vei hluarna ber a ni bawk.