MSU Rising Day lawmna Revenue Minister in hmanpui
Mizo Students’ Union (MSU) dinchampha vawi 23-na lawmna chu nimin khan HYVE Aizawl City Hall-ah neih a ni a, Revenue Minister B. Lalchhanzova chuan khuallian niin a hmanpui a ni.
MSU Vice President Laldinsanga kaihhruai MSU Rising Day vawi 23-na lawmna ah hian Revenue Minister chuan Zirna a thata a dik bawk chuan nun hi a nuam a, hmasawnna a khairual a, mi hniam ber te’n a pâr zĂ» an tlân pha a, khairual takin hmasawnna a kal thin tih a sawi a. “Kan State zimte ah hian rilru zau leh pui tak a leng a, khawvel ramdangte chung en bik lo a, ram dangte’n min chung en theih dan tur zawk hi i vei ang u,” tiin a chah a ni.He hunah hian MSU President Samuel Zoramthanpuia chuan MSU mei mit lova kum 23 a kal chhung hian Mizoram mai ni lo, ram pawn leh khawvel zau zawka Mizo Zirlaite khaw hawi theihna turin ke a pen tih sawiin, Ministry of Corporate-a registered nih angin zirna atan CSR tam zawk hailut chungin Embassy hrang hrang atangin zirlaite tana hamthatna awm theite haichhuah mek zel a nih a sawi a. Zirna atanga Ram leh Hnam humhalh tur leh zirna kaltlanga Zoram hmasawnna tur kawng hrang hrang dap zel turin a chah bawk.
Comments
Post a Comment