Art & Culture Minister hovin thutkhawm neih a ni

Art & Culture Minister leh The Mizoram Tribal Research Institute Society (MTRIS) Chairman C. Lalsawivunga hovin nimin khan The Mizoram Tribal Research Institute Society (MTRIS) Annual Governing Body thutkhawm chu neih a ni.

Art & Culture Director Conference Hall-a he thutkhawm neih ah hian Art & Culture Minister C. Lalsawivunga chuan kan culture leh hnam ziarang vawnthatna lamah ngaihtuahna seng lehzual turin member kalkhawmte chu a chah a. Art & Culture Department chu mi in an hmuh dan an thlak danglam a ngai tih sawiin, Dikna leh rinawmna nen theihtawpa hnathawh a pawimawh thu leh an sum senral ang angah pawisa dehchhuah dan an ngaihtuah a ngai takzet tih a sawi a. Falkawn-a Art & Culture Department hnuaia Zokhua an neih te pawh uluk taka enkawl a, sum dehchhuahna rotling siam nana hmang turin Department Officials leh The Mizoram Tribal Research Institute Society (MTRIS) Governing Body Members kalkhawmte chu a chah a ni.

He thutkhawm ah hian Governing Board Member tur rawtna chu pawm a ni a. MTRIS By Laws/Constitution bakah MTRIS Rules and Regulation siamthat niin pawm a ni bawk a/ Thutkhawm neih zawh hnu hian Minister hian Falkawn-a Zokhua a tlawh nghal bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man