Latest News

North Vanlaiphai tana tui lak hna thawh mek enfiah

Image
North Vanlaiphai khaw mipui tana tui thiang-hlim in tur lakna tura hnathawh kal lai mek, North Vanlaiphai Water Supply Scheme, Rawleihlawn Pumping chu tunhnai khan North Vanlaiphai Village Council leh North Vanlaiphai Joint YMA hruaitu ten a hmunah kala enfiahin, hna thawh tawh te tha an tih thu an sawi a, hna chak leh tha zawka thawk zel turin an ngen.

MPCC Inthlanpui chuh turin inbuatsaih mek zel

Mizoram Pradesh Congress Committee (MPCC) Treasurer atanga bang ta Zodintluanga chuan MPCC inthlanna neih tur atan nimin khan President chuh turin a hming a pelut.

MPCC inthlanna tun thla ni 20-a neih tur atan hian chuh tumte tan hming pekluhna hun hawn mek niin nimin khan MLA hlui leh MPCC Treasurer hlui Zodintluanga hian President chuh turin a hming a pelut a, a rual hian Vice President chuh turin MLA C. Ngunlianchunga leh Treasurer chuh turin MLA hlui Lalrindika Ralte te pawhin hming an pe bawk a ni.

Hming a pekluh zawha thuthar thehdarhtute zawhna chhangin Zodintluanga chuan President a chuh nachhan chu Congress party chu tih nun thar an ngai tih a sawi a, hmun hrang hranga an mi leh sa te party ah phurna thar siama kum 2028 inthlan lo awm tur atana theihtawpa thaa inbuatsaih an tum dawn tih a sawi a, Congress a sawrkar leh ngei theih nan theihtawp an chhuah dawn tih a sawi bawk. President a chuh dawnah thlawptu atan Lal Thanhawla chuan hming a ziahsak tih pawh Zodintluanga chuan sawiin, Mizoram mipui Congress te duhdan anga kalpui anih chuan Congress chu alo thochuak leh dawn tih a sawi a, Congress kalphungah Committee hrang hranga awm tawhin a tam zawk dundana kalpui thin a nih thu leh tuna Congress kalphung, mi pakhat duhdana kal thin chu tha a ti lo tih a sawi a, President anih chuan a tam zawk duhdana kalpui a tum tih a sawi bawk.

Zodintluanga chuan Party kalphung awm mekah fuhlo tam tak awm nia a hriat avangin MPCC Treasurer nihna alo bansan tawh tih a sawi a, mimal thuthlukna tam lutuk avangin a ban a ngaih phah tih sawiin, an kalphung diklo mek siamtha turin an in Candidate dawn tih a sawi a. Tuna Party inthlan turah Line Up awm vek tawh hnuah Official Candidate a awm leh tih sawiin, “Heng hi Congress kalphung a ni ngailo,” a ti a, AICC thleng pawhin thil thleng ngai lo niin a sawi bawk.

He hunah hian Vice President chuh tura hming pelut leh Congress Party MLA C. Ngunlianchunga chuan Party inthlanna atan inremsiam tumna a awm leh awm loh chungchanga zawhna a chhanna ah theihtawp a chhuah thu leh insiamrem tha a tih thu Committee-naah pawh a sawi thu a sawi a, MLA awmchhun in a ngenna chuan awmzia a nei lo tih a sawi a, Autonomous District Council pathum-a DCC te pawhin President address-in lehkha an thehlut niin a sawi bawk.

Tun thla ni 20-a MPCC Inthlanna neih tura President chuh turin Lal Thanzara chuan Nomination a lo File tawh a, Vice President chuh turin Lalnunmawia Chuaungo leh Treasurer atan Lalmalsawma Nghaka te chuan Nomination an lo file tawh bawk a ni.

Comments

Popular News (Last 30 Days)