Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Mizoram ngaihsak bik a tulna Ministry-ah thlen

Mizoram sawrkar-a Sports Minister Lalnghinglova Hmar chuan nimin khan Union Minister of State for Minority Affairs John Barla chu New Delhi-a a chenna In-ah kawmin Mizoram chu 'Minority' awmna a nih avangin ngaihsak a tul bîk dante leh chu Ministry hnuaia hamthatna awm thei ang angah hmaih lo turin a ngen a. Minority Affairs Minister chuan Mizoram chu an ngaihsak thu leh an ngaihsak zawm zel tur thu sawiin, a Ministry hnuaia Scheme awm atanga duhsakna an pek thin thu leh project a tam thei ang rawn thawn zel tura a duh thu a sawi a. Mizoram chu a State ngainat tak a nih avangin a ngaihsak zel dawn tih a lo hrilh bawk a ni.

Comments

Popular News (Last 30 Days)