Lawngtlai-ah Jail tang chungchang ngaihtuah

Nimin khan Lawngtlai-ah Jail-a tang thubuai ngaihtuah lai (Under Trial Prisoner) te chungchang leh ‘The Mizoram Victims of Crime Compensation (Amendment) Scheme 2016’ hnuaia dilna lutte sawihona hun Lunglei Judicial District-a District & Session Judge Vanlalenmawia hovin neih a ni a. He thutkhawm ah hian Court-in an chungthu a ngaihtuah mek, ‘Under Trial Prisoner’ mi 7 chungchang sawiho a ni a, ‘Victims of Crime Compensation Scheme’ hnuaia zangnadawmna dawng tura dilna lut 7 chu ngaihtuah a ni bawk a. Heng dilna 7 atanga dilna 4 chu ngaihtuah that leh tura tih niin dilna 2 chu pawm sak an ni a, pakhat chu hnawl sak a ni. Lawngtlai District Jail-a awm mekte inenkawlna kalpui dan, hriselna dinhmun leh ei leh in pek an nih dan te ngaihthlak niin February chhung hian Mental Health Camp neih hman beisei a nih thu tarlan a ni bawk.