Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

Larsap in MYC Chairman kawm

Mizoram Larsap Dr. Hari Babu Kambham-pati-a'n a sawm angin Mizoram Youth Commission (MYC) Chairman Malsawmzuala Ralte chu nimin khan Raj Bhavan-ah lengin Governor nen hian an inkawm a. He hunah hian MYC Chairman chuan MYC hmalak dan tlangpui leh an hmachhawp bakah, Mizo thalaiten hna zawn leh mahni kea an din theihna tura an ruahmanna neih te a hrilh a ni. Governor Dr. Hari Babu Kam-bhampati chuan, thla thara Andhra Pradesh leh Tamil Nadu inrina Sri City Special Economic Zone (SEZ) tlawha zin a tum thu leh Mizo thalaite tana thawh theih tur hna a awm a beisei tih sawiin, a hmunhma en a, hmalak theih dan zirchiang tura zin pui turin MYC Chairman chu a sawm nghal a, MYC Chairman pawhin kal ve ngei an tum dawn thu a sawi bakah Mizo thalaite hmakhaw ngaitu Governor an nei chu lawmawm a tih thu a sawi bawk.

Comments

Popular News (Last 30 Days)