ZOHANDCO Chairman thar in a Pisa a luah tan

Mizoram sawrkarin Mizoram Hanloom and Handicrafts Development Corporation Limited (ZOHANDCO) Chairman atana ruat Lallian-sawta chuan nimin khan a Pisa a luah tan ta a, Pisa luah ni-a Pathian hnena inhlanna an hman ah ZOHANDCO Chairman thar chuan engkim Pathian remruat-ah a pawm thu sawiin, “ZOHANDCO Chairman atana ruat ka han ni pawh hi Pathian in ka awmna tur taka min ruat sakah ka ngai a, ka lawm em em a ni,” a ti. Mizoram hmasawnna tur hian Industry Department thuam-chak a ngai hle tih pawh sawiin, “Kan rama tualto Raw material kan neih te pawh a process dang ngaihtuaha, hmalakna tur tam tak awmin ka hria a, Entrepreneurship development lamahte pawh theihtawpa hma lain, kan thalaite tana sawrkar chhenfakawm tak ni turin hmankan la dawn a ni,” a ti. He hun hi Comerce and Industry Minister F. Rodingliana pawhin hmanpuiin thu a sawi bawk a ni.