Kumin-ah Khuangphah in Chhawhchhi thar tam

Champhai District chhunga Khuangphah khua chuan kumin hian Chhawhchhi an thar tha hle a, quintal 150 zet a hralhchhuak tawh a ni. Thudawn danin Khuangphah khuaah hian chhungkaw 70 velin Chhawhchhi hi an ching a, an Chhawchhi thar te chu seng fel vek tawhin mimal sumdawng hnenah kg. 1 Rs. 100-in hralh phawt a. An thar zawng zawng lei zawhsak theih an awm loh avangin Champhai North bialtu MLA Ginzalala hnenah a hralhna zawnsak turin an ngen a, MLA hmalakna hian Food Processing Company chuan kg. 1 Rs. 80-in an leisak a, tunah hian tum hnih lei sak tawhin a vaiin Chhawhchhi hi quintal 150 vel an hralhchhuak tawh a ni.