Grape chungchang CM sawipui

Hnahlan Grape Farming & Processing Cooperative Society hruaitute chuan nimin khan Chief Minister Lalduhoma chu a Pisa-ah hmuin amah vanga dan anga Grape Wine te zuar leh thei an ni tih an inhriat thu leh chu chu an hmuh chhan ber pawh a nih thu an hrilh a. Chief Minister chuan Grape chin chu chhungkaw tam takte eizawnna pawimawh a nih tawh avangin an hmalakna te chu tihpuitlina tihlen zel a tul thu a sawi a. Wine siamna Plant tilian tura ruahmanna siam mek pawh Industries Department kaltlangin chak takin an bawhzui ang tih a lo hrilhin, tihhlawhtlin ngei an tum thu leh an dilna sawrkarin a bawhzui tur thu a lo hrilh a. Wine Vendors License chungchang pawh sawrkarin chik zawka a lo zir tur thu a hrilh a ni.