Kum 5 chhungin Power-a intodelh tum a ni

Power & Electricity changtu Minister F. Rodingliana chuan kum 5 chhungin Power-ah intodelh an tum dawn tih a sawi.

ZPM Party in nimin-a Aizawl-a Chhung Inkhawm an neih ah P&E Minister hian Power a kan intodelh theih nan Hydel Project bakah Ni zung chakna hman tangkai lehzual an tum thu sawiin, “Rooftop leh Solar Plant liante siam tura hmalak mek a ni. Hemi atan hian Power khawlna tur Power Store Bank siam tura hmalak mek a ni a, nizung chakna bakah Hydrogen leh Ethanol hmanga Power Plant siam tura kawng dap mek a ni. Mizoram khaw hrang hrang ten Solar Plant kan siamna turin ram min pe a, mahse duhkhawp a la nih loh avangin kan intodelh theihna tura hetiang hmun pe thei khua kan awm chuan a lawmawm takzet ang,” a ti a. Kum 5 chhungin Power-ah intodelh an tum dawn tih sawiin, “Company hrang hrang leh ram hrang hrangte dawrin thil kalphung tha zawk kan zir zel a, chutianga hma kan lak mek laiin thenkhat chuan kum 10 chhunga an tih theih loh thla 2/1 chhunga ti mai turin min beiseina tawngkam ni awm takte kan hre thin a, amaherawh chu hma kan la zel a, ZPM hi eng sawrkar nge tih Zoram mipuite hian an la hre dawn a ni, tiin tunhnaiah Thlasik khaw vawt avanga harsatna an tawh thu leh mamawhna a san chhoh zel avangin kan Transformer leh Power Line-ten zawh loh chang an neih thin thu te a sawi bawk.