Khelo India University 2024 sawihona neih a ni

Tun thla chawhnu lama Mizoram in ‘Khelo India University 2024’ a thlen tur chungchanga inbuatsaih dan tur hrang hrang chu nimin khan Sports Minister Lalnghinglova Hmar hovin Secretariat Conference Hall-ah sawiho. He thutkhawm ah hian Sports Minister chuan National Level Sports promotion program pawimawh tak, Khelo India University 2024 Mizoramin a thlen tur chu Mizoram in Sports Event liantham zawk a dawn leh hun atana inpuahchahna tha tak a nih thu leh hemi chungchanga pawimawh hrang hrangte a sawilang a ni. Mizoram hian Football Segment bikah University hrang hrang Football Team pariat (8) te chu February 19 atanga 29 chhung khian a mikhual dawn a, hemi atan hian mawhphurhna hrang hrang an insem nghal bawk a ni.