Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

KTP General Conference-ah inzirtirna neih rel

Excise & Narcotics Minister Lalnghinglova Hmar hovin nimin khan Department hotute leh Central KTP hruaitute chu Secretariat Conference Hall-ah thukhawmin kumin February ni 29 atanga March ni 3 thlenga Ngopa khuaa KTP General Conference neih turah Zu leh ruihhlo dona kawnga hmalak tlan dan tur sawiho a ni a. KTP chu member tam ber an nih angin thalai tam tak he hunah hian an fuankhawm dawn a., he hun hi thalaite Zu leh ruihhlo laka fihlim tura infuihna hun a tan hman theih nise tih a ni a. Zu leh ruihhlo-in kan ram min run dan he Conference a Member kalte'n an hriat theih nan a theih ang anga Programme hmanna-a thusawina-ah te zeh tel dan turah ngaihtuahna seng turin Excise hotute hian KTP hruaitute hi an ngen bawk a ni.

Comments

Popular News (Last 30 Days)