Latest News

Chapchar Kut hlut dan ngaihtuah a tul

Image
Mizo ten Kut chi thum kan neih zinga tun thleng kan la hmanlar ber Chapchar Kut chu kumdang ang bawkin kan lo hmang zo leh ta a, kumin hian Serchhip bikah chuan thil thar leh danglam lutuk awm lovin mipui ten an beisei thin ang ngeiin ‘Phullem chung ah’ Chapchar Kut hi kan hmang a, kan Mual in min dawl zoin kumdang-a harsatna kan tawh thin tam tak kan tawk lo thung niin a lang a, mipuite pawhin kan Phullem kan roh in kan dimdawi hle a, hetiang bawk hian sawrkar in mipuite tana hmasawnna hna a thawh te hi neitu rilru pu in enkawl ila, a tichhetu ni lo a a venghimtu kan nih zui zel hi a tul hle a ni.

H&TE Department-ah aikal chhawr 66 an awm

Mizoram sawrkar-a Higher & Technical Education Department-a thawktute zingah aikal chhawr mi 66 an awm.

Zonet-in RTI hmanga a zawhna Higher & Technical Education Department-in a chhanna a tarlan a nih danin, Higher & Technical Education Department-a thawk, aikal chhawr 66 zinga 24 chu College hrang hranga zirtirtu an ni a, heng zinga a tam zawk chu Associate Professor leh Assistant Professor an ni. Aikal chhawrtu dang chu UDC 1; LDC 10; Librarian leh Laboratory Technician 6; Driver leh IV Grade 24 an ni a, hnathawh hming tarlan loh pakhat a awm bawk. 

Aikawl chhawrte hi Mizoram Polytechnic, Lunglei-a thawk 8; Govt. Aizawl College-ah 6; Lunglei College, Aizawl West College leh Kolasib College-ah 5 theuh; Women's Polytechnic, Champhai College, Zirtiri Residential Science College leh Aizawl North College-ah 4 theuh; T. Romana College leh Lawngtlai College-ah 3 ve ve; Johnson College, Hrangbana College, Kamalanagar College, Serchhip College, Mizoram Law College leh Higher & Technical Education Directorate-a thawk 2 theuh leh IASE, Hnahthial College leh Khawzawl College-a thawk pakhat theuh an ni. a. Aikal chhawr ten an chhawr chhan an tarlan tam ber chu natna an tawrh vang a ni, Heng bakah hian SCERT leh MBSE-ah pawh aikal chhawr mi pakhat ve ve an awm bawk a ni.

Comments

Popular News (Last 30 Days)