DD Aizawl News hotu leh Home Minister inkawm

Doordarshan (DD) Aizawl-a News Director Nampibou Marinmai chuan nimin khan Home Minister K. Sapdanga chu a Pisa-ah kawmin ramri a khuahkhirhna awm karah Zohnahthlak ten Doordarshan kaltlanga chanchin an inhriat pawh zel theih dan turte a sawipui.

DD News Director hian Home Minister a kawmna ah tunhnaia Mizoram leh Myanmar inrina hmun a tlawhna-a a thil hmuhte hrilhin, sawrkar laipuiin ramri hung leh Free Movement Regime (FMR) a tihtawp chungchangah ramri in Zofate chu then hrang mah se henglai hmunah hian inhnaih takin an la khawsa tih a hmuh thu a sawi a. Thuthar thehdarhna hmanrua hrang hrang, a bikin Doordarshan kaltlanga an inhriatpawh tawn dan te chu chhunzawm zel a duh thu te a sawi a. Ramri a venhimna leh tunhnaia Home Department in Gheck Gate hrang hranga thupek zawm tur a tihchhuahah te Home Minister leh a thawhpuite hnathawh chu tha a tih thu a hrilh bawk.

Home Minster K. Sapdanga pawhin ramri a venhimna leh khuahkhirhna kalpui chu thil harsa tak a nih thu leh a bikin Myanmar ramri ah phei chuan Tahan thlengin Zofate an chen avangin sawrkar laipui hmalak tumna pawh ngaihtuah ngai tak a nih thu a sawi a, DD News Director in DDK kaltlanga inkawmna nei tura a sawmna chu pawmin, karleh Nilaini khian Live Programme siama hun hmang turin ruahmanna an siamdun bawk a ni.