Cricket League Final-ah AO3C leh TKCC

Zonuna Kawlni /

Serchhip District Cricket League 2023-2024 khelh mekah AO3C leh Tuikhuah Veng Cricket Club te Final-ah an inhmachhawn dawn ta.

Serchhip District Cricket Association buatsaiha nikum December thla atanga khelh ‘Serchhip District Cricket League 2023-2024’ ah hian nimin khan League Match khelh leh niin AO3C leh Tuikhuah Veng Cricket Club te an inhmachhawn a, Toss-a chak TKCC in vuak hmasak thlangin Over 18.2-ah Wicket hloh vekin run 79 chiah an siam a. AO3C in vaw ve leh thungin Over 13.3-ah Wicket khat chauh hloh in an target an khum a, Wicket 9 in hnehna an chang ta a ni.

Serchhip District Cricket League-ah hian Team paruk telin Team tin an inhmachhawn hnuah point hmu sang pahnih ten Final hi an khel dawn a, AO3C leh Tuikhuah Veng CC te hian point 8 ve ve hmuin midang tan umphak theih an ni tawh lo a, tun thla ni 17-ah Final hi khelh a ni ang.

Comments

Post a Comment

Popular News (Last 30 Days)

Serchhip DCSO sawn a ni

Zonuna Kawlni /
Image
Serchhip-a District Civil Supply Officer (DCSO) mawhphurhna la mektu Vanlalhriata chu FCS&CA Directorate-ah Asst. Director hna chelh tura sawn niin Asst. DCSO hna chelh mektu R. Zirliana pawh Kolasib-a DCSO hna chelh tura sawn a ni bawk a. Serchhip-a DCSO hna chelh tur hian FCS&CA-a Deputy Director nilai Lal-hmuakliana chu dah a ni.
Kimchang zawkin »