AMC in Bawngkawn-Durtlang Road, Protected Area-a In satu thiat turin a ti

Aizawl Municipal Corporation (AMC) chuan Bawngkawn leh Durtlang inkar kawng, Protected Area huamchhunga Dan lova In sak pakhat chu thiat turin a hriattir.

AMC in In thiat tura a hriattir hi Lalramsanga In saklai a ni a, hemi chungchanga AMC thuchhuah tarlan danin, nikum July ni 12 khan Lalramsanga hi phalna nei lova Protected Area-a In a sak chhan insawifiah tura tih a ni a, a insawifiahna chu AMC chuan thu tlingah a pawm loh avangin nikum October ni 25 khan a In sak thiah a nih loh chhan tur sawifiah turin Show Cause Notice an pe leh a, Lalramsanga hian a chhan zui tak loh avangin AMC hian In thiat tura tihna hi kumin January ni 31 khan a tichhuak a ni. He In hi kumin March ni 29 hmaa thiat zo hman tura tih a ni a. In thiat tura tihna thupek hi a zawm lo a nih chuan AMC-in a thiah sak theih thu leh a thiah man senso chu Lalramsanga hian dan anga a chawi a ngaih tur thu hriattirnaah hian an tarlang a ni.

Bawngkawn - Durtlang Road a Protected Area hi Aizawl Master Plan Vision-2030 anga puan a ni a, AMC chuan hei hi khauh taka kenkawh zel a tum thu leh dan loa lei lai leh In sa mek nia langte pawh endik zel an tum thu an tarlang bawk a ni.

Comments

Popular News (Last 30 Days)

LPG man bithliah thar