Revenue Department in sawrkar kum kal mekah Chhiah cheng nuai 49 chuang a khawn tawh

Sawrkar kum kal mek 2023-2024 ah nikum December thla thleng khan Revenue Department chuan Chhiah chi hrang hrang atangin cheng nuai 49 chuang a khawn tawh.

Zawhna chhangin Land Revenue & Settlement Department hotute chuan, Chhiah hi kum hmasa lam rate ang tho a khawn a nih thu leh chhiah hi a tlangpuiin kum 5 dana ennawn thin a nih laiin, tuna an hman mek hi kum 2016 a ennawn kha rin a la nih thu an sawi a. Chhiah hi Biak In, thlanmual leh sipai bangte awltir an ni a, LSC pek thar leh LSC thensawm a awm ve reng avangin chhiah petu leh a lut zat hi pung ve hret turah an ngaih thu an sawi a. Sawrkar kum kal mekah nikum December thla thleng khan Rs. 49,45,266/- khawn a nih tawh thu an sawi a ni.

Land Revenue & Settlement Department hotute chuan, AMC huamchhungah Leiman leh Zoram Chhiah chu Online hmanga khawn mek a nih thu leh cheng nuai 90 chuang an khawnchhuah tawh thu an sawi bawk a, Online kaltlanga chhiah pek chu mipui pawhin an hmang tangkai thawhkhat ni-a an hriat thu an sawi a, Online hmanga chhiah pek theihna hi tun dinhmunah chuan AMC huamchhungah chuah hman a la ni a, Mizoram puma hman theih tura ngaihtuahna an sen mek thu an sawi.

Comments

Popular News (Last 30 Days)

Vawiin-ah HSSLC Exam result