Agriculture Minister hovin FOCUS 2.0 sawiho

Nimin khan Agriculture Minister PC. Vanlalruata chuan a Office-ah International Fund for Agricultural Development (IFAD) leh Mizorama- FOCUS (Fostering Climate Resilient Upland Farming Systems in the North East) hotute chu FOCUS 2.0 lo awm tur chungchang a sawipui a. FOCUS 2.0 kalpuina tura hmalak tawhna leh hmachhawpte chu IFAD FOCUS Implementation Support Team-te chu sawipuiin, Buh leh bal-a Mizoram kan intodelh theih nana thil pawimawh hrang hrangte sawiin, Compact/Cluster Development kalpui a pawimawh thu leh Focus 2.0 pawh tha taka kalpui a nih theih nan theihtawp chhuah turin a fuih bawk a ni.

IFAD enkawlna hnuaiah FOCUS Project chu hlawhtling takin Mizoram-ah kalpui a lo ni tawh a, kum 2018 atang khan kum 6 chhung daih turin Project hi kalpui niin tunah hian IFAD nen tangkawpin sawrkar chuan FOCUS 2.0 project tur atan ruahmanna a siam mek a ni.