Union Home Minister thusawi CM in mak a tih thu a sawi

Chief Minister Lalduhoma chuan Union Home Minister Amit Shah-a'n India leh Myanmar inrina zawng zawng hung tum a nih thu a sawi chu mak a tih thu a sawi.

Inrinni-a thuthar theh-darhtute a kawmna ah he thu hi sawiin Chief Minister Lalduhoma chuan tunhnaia Delhi a Prime Minister Narendra Modi leh Union Home Minister Amit Shah hnenah Myanmar leh Mizoram eamri hung a duh loh thu a hrilh tawh tih a sawi a. An inbiak lai hian anni lamin engmah an sawi loh avangin Mizoram bik phei chu an hung dawn lova a ngaih thu a sawi a ni. Chief Minister chuan Prime Minister leh Home Minister hnenah hian Mizoram leh Myanmar ramri hi Mizo mipuite rawn lova siam a nih avangin hung a nih chuan ramri siamtu British sawrkar thiltih an pawm tihna a nih dawn thu a hrilh niin a sawi a. Ramri tawn tawna zalen taka inkalpawh theihna 'Free Movement Regime' tihtawp a duh loh thu pawh a thlen niin a sawi. Sawrkar laipui hian a tilui a nih chuan an thu thu a nih thu a sawi bawk.

Union Union Home Minister Amit Shah hian India leh Myanmar inrina chu Bangladesh ramri anga hung vek a tul a tih thu leh Free Movement Regime tihtawp thuai a nih dawn thu hi tun thla ni 20-a Assam Police Commando Passing Out Parade a hmanpuinaah a sawi a ni.

Ramri hung hi MNF sawrkar hmasak lai a Assembly-a rorellai lamin an putluh a ni a, ZNP an nih lai kha niin ZNP MLA 2-te chuan dodalin Assembly an chhuah tauhsan phah niin Chief Minister chuan a sawi a. Ramri hung leh inkalpawh theihna tihtawp hian ramri tawn tawna awm Zofate a thenhran lehzual an hlauh thu a sawi a. Chutih lai chuan ruihhlo leh thil tha lo dang tam tak lakluh a hluar tak em avang hian mi thenkhat chuan ramri hung a nih chuan a reh deuh theih an rin thu an sawi niin a sawi bawk.

Comments

Popular News (Last 30 Days)

LPG man bithliah thar