LESDE Minister in Skill Development hotu a kawm

/

Labour, Employment, Skill Development & Entrepreneurship changtu Minister Lalnghinglova Hmar leh Ministry of Skill Development & Entrepreneurship a Secretary Atul Kumar Tiwari te chu Zirtawpni khan inkawmin Mizorama Skill Development leh Entrepreneurship lama hmasawnna awm thei te an sawidun.

He inkawmna ah hian Lalnghinglova Hmar chuan Mizorama Skill Development leh Entrepreneurship kawnga hmalakna kalpui mek hrang hrangte chu Secretary hrilhin hmalak theihna tur kawng awm thei nia a hriat chungchangte a sawipui a. Secretary chuan Mizoram in tih theih, a la tih loh thenkhatte sawilangin Sawrkar Laipui chuan Skill Development leh Entrepreneurship te chu a ngaihpawimawh em avangin, kawng hrang hranga Mizoram tan hma lakna tur tam tak a awm thu a sawi a. Mizoram mila ruahmanna an siam chuan puih a inhuam thute Mizoram LESDE Minister hi a hrilh a ni. LESDE Minister-in Secretary hi Mizoram rawn zin a, hmun ngeia hmalakna awm thei te leh hmasawnna awm thei te sawiho turin a sawm a, Secretary chuan sawmna hi pawmin a hun nei hmasak berah Mizoram zin a tum thu a sawi bawk.

LESDE Minister Lalnghinglova Hmar hian Ministry of Micro, Small and Medium Enterprises-a Secretary S.C.L Das pawh Delhi-ah kawmin Mizoram in hma a sawn theih dan kawng hrang hrang te an sawidun a. Lalnghinglova Hmar chuan Mizoram Sawrkarin Hand Holding Policy thar, Ban-a Kaih a ruahman dawn tih hrilhin, Ministry of MSME Scheme hrang hrang te chu hemi kawngah hian a chhawr tangkai thei dawn nia a hriat thute leh awmze nei taka hman a ni thei nia a hriat thu te a sawi a. MSME hnuaia hmalakna chu Investment sang lutuk lo, hun rei tak nghah ngai lo, rah chhuah zung zung thei a nih vangin Mizo rilru sukthlek nen a inmil thute Secretary a sawipui a ni.

Ministry of Micro, Small and Medium Enterprises a Secretary hian amah leh a Team-te Mizoram-a kala hmalak dan rel tha a tih thu LESDE Minister hi a hrilh a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »