UK-ah Mizo Nurse tam zawk thawn turin rel

Chief Minister Lalduhoma chuan tunhnaia British Deputy High Commissioner hotute nen an inkawmna ah Mizo Nurse tam zawkte UK a thawn an rel thu a sawi.

United Kingdom-a Mizo Nurse te hna hmuhsak thin Mizoram OET Coaching Hub (MOCH), Charkos Global peng pakhat neitu Lalrinawmi Fanai leh Mary Zothan-chami te chu nimin khan Chief Minister hian a Pisa-ah kawmin tunhnaia British Deputy High Commissioner incharge of East India Dr. Andrew Flemming nena an inkawmnaah Mizo Nurse tam zawkte UK a thawn an rel thu leh chak taka bawhzui an remti dun bawk tih a sawi a. Chumi hnathawktu pakhat chu an nih avangin a theih anga tanpui  chu a that a rin thu a sawi a. An hmalakna te chu Mizo Nurse hna zawnglaiten hre zau thei se tha a tih thu a sawi bawk.

Mizoram OET Coaching Hub (MOCH) aiawhte chuan Mizoram Youth Commission nena inremna siamin MYC hian Nurse training in hna a hmuh chuan sponsor nan Rs. 50,000 an pe thin tih a sawi a. Mahse he an sponsorship hi an tihtawp leh tak avangin harsatna an tawk tih Chief Minister hnenah hian an thlen a, chhunzawm leh turin an dil a. Chief Minister chuan hemi chungchang ah hian Mizoram Youth Commission Chairman thar tur phone in a be nghal bawk a ni.

MOCH te hian Chief Minister hnena an insawi danin Charkos Global UK te nena tang dunin kum khat leh a chanve chhung Mizoram-ah hna an thawk tawh a. An hmalakna hnuaiah hian UK-a Nurse hnathawk duh mi 19 ten an training buatsaih an pass tawh a, an zinga 14 ten UK-ah registered nurse hna thawk mekin, thla khatah cheng nuai thum (Rs. 3,00,000) vel an hlawh phak vek a ni. Hetianga Nurse hna thawk tura an inbuatsaihna chi tinreng anni hian an ngaihtuah sak a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man