Supply leh Revenue Minister in Central a dawr

New Delhi a cham mek Food Civil Supplies & Consumer Affairs leh Land Revenue & Settlement changtu Minister B. Lalchhanzova chuan a department kaihhnawih thilah sawrkar laipui a dawr.

Minister hian Zirtawpni khan Land Resources Secretary Nidhi Khare IAS chu kawmin Mizorama hmalak mekna leh hmachhawp te a sawipui a, ram teh leh chhinchhiahna (Land Record) chak zawka kalpui theih dan tur te, ram lei leh hralh leh thil danga ram inchuh buaina na sa lutuk tih ziaawm theih dan turte an sawi dun a, Digital India Land Record Modernisation Programme hmanga hma lak mek dan te an sawi dun bawk.

Food Corporation of India Chairman Ashok Kumar Meena IAS pawh a Office-ah kawmin Mizoram-in a rinpui ber Buhfai chungchang ah FCI lam te nasa zawka in zar zau turin a ngen a, FCI Chairman nen hian FCI Godown sak belh te, FCI Division Mizoram hawn thar ve a tul thu te, buhfai lei zui zel dan turte inpawh takin an sawi dun a ni.

Supply Minister hian Ministry of Consumers Affairs, Food & Public Distribution Economic Advisers Kamkhenthang Guite pawh a Office-ah kawmin Mizorama Centre leh Home hrang hrangte tana buhfai man tlawm chi a pek mekna, Welfare Institution Scheme chungchang te sawiin, WI quota quintal 212 pawh an sanction nghal a, Consumer Welfare Fund cheng vbc. 5 an lo sanction tel bawk. Guite hian Mizoramin buhfai a leina atan State Level Price Stabilisation Fund hnuaiah Center in ruahmanna a siam mek thu a lo hrilh bawk.