Mizoram-ah COVID-19 hri kai hmuh thar leh a ni

Kumin-ah Mizoram atangin COVID-19 kai mi pakhat hmuh thar leh niin hei hi Covid Variant thar, JN.1 nen a inkaihhnawih em tih enfiah turin Sample thawn tum a ni.

Health Department hotute chuan COVID-19 vei an hmuhchhuah thar hi a hritlan avangin engemaw awm palh thei tih thu ah mahni inhriatchian nan tia ZMC-a inendik tir a ni tih sawiin, Zirtawpni khan COVID-19 a vei tih finfiah a ni a. Amah hi In lamah a inenkawl a, COVID inkaihhruaia CAB tha taka zawm tura hrilh a nih thu sawiin, tunhnai ah zin veivahna a nei lo tih an sawi a. Hetihlai hian tunlaia COVID Variant thar, JN.1 a ni em tih endik turin National Institute of Biomedical Genomics, West Bengal-ah Sample thawn tura buaipui mek a nih thu an sawi a ni.

Kumin a COVID-19 vei hmuhchhuah thar hi nikum, 2023 October ni 19 hnua Mizorama COVID vei hmuhchhuah leh hmasak ber a ni a, tun dinhmunah Mizoram-ah Sample enfiah tawh zawng zawng 19,96,779 a ni a, heng zinga 2,39,563 chu hri kai tih finfiah an ni a, mi 734-in an thihpui tawh a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man