Serchhip-a Police 2 te chawimawina hlan dawn

Serchhip District Executive Force (DEF) a thawklai mi pahnih te chu Mizoram-a Police te chawimawina ‘DGP's Commendation Disc’ dawng tura thlan an ni.
Tunhnai khan Mizoram Director General of Police (DGP) Anil Shukla IPS chuan Mizoram-a Police tanglai mi 43 te chu ‘DGP's Commendation Disc’ dawng tura thlan an nih thu thuchhuah siamin a tarlang a. He chawi-mawina dawng tur hian Serchhip DEF atang hian Const. H. Vanmalsawma leh Const. C. Lal-roluaha te chu thlanchhuah zingah telin tunkar Inrinni khian Aizawl-a Police Hqrs. a chawi-mawina hi hlan an ni dawn a ni.

Thudawn danin ‘DGP's Commendation Disc’ hi Police tanglai zinga hnathawk tha leh chhuanawm te hnenah hlan thin niin Uniform a tar tur Disc bakah hian Certificate a keng tel a, he chawimawina hi kum khat ah tum khat sem thin niin Police kum 10 tang tawh chin ten an dawng thei a, an Service chhungin tum khat chiah an dawng thei bawk a ni. Serchhip DEF atanga he chawimawina dawng tura thlan te chi District Special Branch (DSB)-a thawk niin thubuai chi hrang hrang chhuina ah an thawh that avanga dawng tur nia thudawn an ni a, kumin a India Republic Day lawmna Serchhip-a neih turah an hming hi puanchhuah tura ruahman a ni bawk. Anni bakah hian Serchhip District atang hian PTS-a thawklai Hav.C. Lalhmunsiama leh Hav. H. Lalrinmawia te pawhin he chawimawina hi an dawng dawn bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man