Serchhip District-ah Dan lova phurh nia hriat Kuhva rah ro lirthei 7 atangin man a ni

Serchhip Police te chuan niminpiah khan khawchhak lam atanga dan lova Kuhva phurh nia hriat bag 428 chu lirthei pasarih (7) atangin an man a, nimin khan Custom thuneitute hnenah hlan tura hruai an ni.
Thudawn danin Serchhip District-a Police te hian khawchhak lam atanga dan lova Kuhva rah rawn phur ten Serchhip District paltlang an tum nia hriain Pathianni khan Serchhip District chhung hmun hrang hrangah an mi leh sa intirin hma an la a, Pathianni chawhnu lam khan Thentlang khua atangin heng Kuhva rah phurtu lirthei leh a khalhtute hi man an ni a, lirthei khalhtute hi Champhai District chhunga mi te vek an ni. Heng Kuhva rah an phurh te hi a vaiin bag 428 niin kg. 29,960 nia chhut a ni a, lirthei chi hrang hrang pasarih hmanga rawn phurh niin Rs. 23,96,800/- man nia chhut a ni.

Heng kuhva rah phurtu lirthei khalhtute hian an Kuhva rah te hi Champhai atanga an rawn phurh a nih thu sawiin, Vairengte-a dah tur a ni tih an sawi a, Kawlkulh atanga Rullam panna kawngah rawn tlanin Thentlang kaltlang hian Chhiahtlang leh Chhingchhip inkar-ah NH. 54 rawn pawh turin an an rawn tlan niin a lang a, heta tang hian Vairengte lamah kalpui tur niin thu-buai siam sak an nih hnuah Custom Preventive Force te kutah hlanin Motor hi Sairang-a dah tura tih a ni.

Serchhip SP MS Dawngkima, MPS chuan dan in a phalloh thil tawlh rukte man-chhuak turin nasa lehzual a hma an lak tur thu LEN-KAWL a hrilh bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man