Chuhtu awm lovin ZPM Candidate tling ah puan a ni

Tun thla ni 30-a Serchhip Field Veng Village Council-a Seat ruak pakhat hnawhkhahna tura by-election neih turah ZPM Candidate chu chuhtu awm lovin tling ah puan a ni.
Serchhip Field Veng VC-a Seat ruak hnawhkhahna tura chuh tuma hming pelut awmchhun ZPM candidate Remsangzuala hi nimin tlai dar 3:00-a inhnuhdawh theihna hun a tawp thlengin a inhnukdawk lo a. Amah chiah hi Candidate a awm tak avangin he inthlanna ah hian chuhtu awm lovin tling ah puan a ni a, nimin tlai dar 3:30 khan he Inthlanna a Returning Officer tura ruat K. Laltlanmawia chuan thlantlin a nihna Certificate hi Serchhip DC Office-ah a hlan a ni.

Tarlan tawh angin Serchhip Field Veng VC-ah hian Seat 5 awmin Seat pakhat hi Hmei-chhia te tana hauh a ni a. VC Inthlanpui hnuhnung berah khan MNF chuan Seat 3 lain ZPM chuan Seat hnih an la a, ZPM atanga thlantlin General Seat luahtu pakhat chu nikum hmasa khan a boral avangin Seat ruak pakhat a awm a. Hemi hnawh-khah nan hian by-election hi neih niin ZPM party chiah hian Candidate an siam a ni. Heti hian Ser-chhip Field Veng VC-ah hian MNF in Seat 3 neiin ZPM in Seat 2 an nei leh dawn ta a ni.