Ramngaw leh Bio-Diversity humhalh a tul zia inzirtir

Nimin khan Thenzawl Higher Secondary School ah ramngaw leh bio-diversity humhalh a pawi-mawh zia inzirtirna neih a ni.

Thenzawl Forest Division leh Thenzawl Higher Secondary School te tangkawp buatsaih ‘Awareness campaign on Conservation of Forests Wildlife & Medicinal Plants’ ah hian Thenzawl Forest Division-a DFO Lalbiakchama Chawngthu chuan ram-ngaw leh bio-diversity humhalh a pawimawh zia te bakah Wildlife Protection Act, 1972-a mipuite hriat tur pawimawh hrang hrang a zirtir a. Mizoram chu India ramah Forest cover percentage nei sang ni mahsela, ramngaw tha (Virgin Forest) erawh kan neih that loh thu a sawi a. Ramngaw leh nungcha humhalh kawngah tun aia hmasawn turin mitinin mawhphurhna kan neih thu leh, ramngaw leh nungcha humhalh kawngah sawrkar Dan te mipuiten kan zawm that loh chuan tun atanga hun reilote ah tui lama harsatna khaw tinin kan tawh mai theih thu a tarlang bawk.