Chhiahtlang South-ah a tum thumnan VCP thlak dawn

Chhiahtlang South Village Council chuan Executive Body an siam thar nia thudawn a ni a, tuna VC term kal mekah VC President mi pathum an awmna tur niin VC Executive Body tum 4 an siamthatna tur a ni ang. Thudawn danin Chhiahtlang South VC in Executive Body an siam thar ah hian INC atanga thlantlin K. Lalbiakmawia chu President tura tih niin MNF atanga thlantlin R. Lalremchhunga chu Vice President a ni dawn a, Independent-a thlantlin C. Lalrinmawii chu Treasurer a ni thung ang.

Chhiahtlang South VC-ah hian Seat 5 awmin VC Inthlan hnuhnung berah khan INC in Seat 2 lain MNF, ZPM leh Independent in Seat khat theuh an la a. A tirah MNF atanga thlantlin R. Lalremchhunga chu VCP in INC atanga thlantlin K. Lalbiakmawia chu Vice President leh Independent a thlantlin C. Lalrinmawii chu Treasurer an ni a. Hun rei vak lo a liam hnuah Treasurer hian banna thehlutin Executive Body thar siamin Treasurer-ah ZPM atanga thlantlin H. Lalrawngbawla chu kum 2022 January thla khan dah a ni a. Kum 2022 November thla khan VC Treasurer hian banna thehlut ve lehin Executive Body thar siam leh a ni a, hetah hian INC atanga thlantlin H> Lal-rinawma chu President niin Vice President-ah C. Lalrinmawii (Ind) leh Treasurer-ah H. Lalrawng-bawla (ZPM) te an awm leh a ni. Hetianga kum khat chuang hret an kal hnu hian VC Executive Body hi siamthat a ni leh ta a, K. Lalbiakmawia chu President a ni ve leh dawn ta a ni.