PM-JANMAN atangin Bru te In sak sak dawn

Mizoram atanga Tripura-a pem thla Bru hote chu Pradhan Mantri Janjati Adivasi Nyaya Maha Abhiyan (PM-JANMAN) sum hmangin an chenna In tur sak sak an ni dawn.

Sawrkar laipui hmalakna thar, PM-JANMAN hi November thla khan Prime Minister Narendra Modi chuan a puang tawh a. He ruahmanna hi hnam hnufual leh tlem, a bikin tlangmi hnam thenkhat, a hnam anga ral mai hlauhthawnawm a awm, Particularly Vulnerable Tribal Groups (PVTGs) ti a chhinchhiah hnam 75-te humhalhna atana ruahman a ni a. Tripura a awm Bru, a bikin Mizoram atanga pem thla a inbengbel mi 30,000 chuangte chenna In sakna atan hman a ni dawn a ni.

Mizoram atanga North Tripura a pem thlate hi a tam zawk chu kum 1997 October thla chawhnu lama chhuk kha an ni a. Kum 25 zet an awm hnu leh sawrkarin laklet tuma vawi tam tam ruahmanna a siam chung pawha lokir duh tawh loh hnuah kum 2020 January thla a sawrkar laipui, Mizoram leh Tripura sawrkar bakah Relief Camp a awm Bru pawl hrang hrang aiawhte Delhi-a inbia a inremna an siam angin Tripura a an inbenbel phalsak an ni ta a. In sakna tur sum pek an nih bakah hian mihring nunphung a an mamawh dangte pawh PM JAN-MAN hnuaiah hian ruahman sak an ni dawn tih kan thulakna chuan a tarlang a ni.

Tarlan tawh thin angin Mizoram atanga Bru pem thla a Tripura a inbengbel zinga Mizo-ram Electoral Roll a la chuangte chu Election Commission of India thupek angin nikuma Electoral Roll Special Revision-ah khan an hming paih vek tawh a ni a. Tripura Electoral Roll-ah ziahluh ni tawhin Mizoram in Assembly inthlanpui a neih ah pawh khan Mizoram-ah hian Vote an thlak tawh lo a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man