Nikum-ah Grape leina atan vbc. 1.23 seng

Champhai leh Hnahlan-a Grape Winery enkawltute chuan nikum chhung khan Grape chingtute thar Grape leina atan Rs. 1,23,52,342/- an seng.

Tlangsam Winery enkawltute sawi danin, Champhai Grape Grower Society chuan nikum chhung khan Grape chingtu chhungkaw 92 hnen atangin Grape hi quintal 1,069.06 an leisak a. Grape hi kg. khat Rs. 60 zela leisakin Grape leina atan hian Rs. 64,14,382/- an seng a, Winery atanga Champwine an siamte chu Mizoram chhunga Vendor mi 44-te hnenah an hralh thin a, tun dinhmunah Wine siamsa an nei tawh lo a, Grape tui wine-a la siam loh litre nuai 2 vel an la dahkhawl mek thung a ni. Champhai Grape Grower Society hian RR Sales nen Mizoram pawna Wine hralhchhuak turin inremna siam tawh mah se, Vawiin thlengin RR Sales hnenah hian wine an la hralh chhuak lo a, Baptist Church of Mizoram (BCM) nen in remna an siam angin Sacramental wine an hralh chhuak thin thung a ni.

Nikum chhung vek khan Hnahlan Grape Grower and Processing Society pawhin chhungkaw 95 hnen atangin Grape rah quintal 990 an lei bawk a, Grape leina atan hian Rs. 59,37,960/- an seng a, an Winery atanga Isabela an siamchhuah chu Mizoram chhunga Vendor 45 hnenah an hralhchhuak thin a, tun dinhmunah Wine siamsa an nei tawh lo a, Grape tui Wine-a la siam loh engemaw zat an la dahkhawl mek a ni. Hnahlan Grape Grower and Processing Society hian Winery atanga Isabela an siam hralh chungchangah RR Sales nen inremna siam tawh mah se, an la inlei sak lo bawk.

Comments

Popular News (Last 30 Days)

Vawiin-ah HSSLC Exam result