MSSSB thiah thu ah hriattirna la dawng lo

Mizoram Subordinate Services Selection Board (MSSSB) Chairman C. Lalhuliana chuan MSSSB thiah chungchang ah sawrkar atangin hriattirna an la dawn loh thu a sawi.

Zawhna chhangin MSSSB Chairman hian, Mizoram sawrkar atangin MSSSB a thiah hun tur leh thiah tur chungchangah tun thlenga hriattirna engmah an la dawn loh thu a sawi a, 'Chumi hmain in hna zo rawh u tih emaw, chu mi hun atang chuan thiah tur a ni a, in hna kal lai chu kalpui rawh u' tih emaw engmah an la dawng lo a, Chief Minister-in Assembly House-ah 'MSSSB an thiat dawn' tih a sawi avangin tuna Advertisement an chhuah tawhte chu exam an buatsaih dawn nge dawn lo tih sawrkar thupek an ngaihchan mek thu a sawi a. Exam buatsaih tawhte chu thuthar awm hma chu kaltlangpui an tum thu a sawi a, tunah pawh hna lak tur sawrkar department hrang hrang atanga an dawnte chu hmalak ngam a an ngaih rih loh thu a sawi bawk.

MSSSB Chairman chuan, MSSSB-in hna a lakte chu a dik tawk niin a sawi a, hna diltute zingah hotu lian lam atanga an hnena sawipuitu awm thin mah se, MSSSB chuan a tling leh tlakte chauh an la thin tih a sawi a, in sawipui avanga tling pakhatmah an awm loh thu sawiin, Department thenkhatin an Department-a thawktu tur an la ve thin a, chung hnalakte chu mipuiten MSSSB lak emaw tiin sawichhiatna an tawh thin thu leh anni chuan Group B chauh an lak thin thu a sawi bawk.

Comments

Popular News (Last 30 Days)

LPG man bithliah thar