Mizoram-a Fertilizer dealers license te cancel dawn

Chief Minister Lalduhoma chuan Mizoram a Fertilizer dealers te license chu an cancel vek dawn tih a sawi.

Nimin-a Mizoram State Agriculture, Horticulture, Forestry & Marketing Co-Operative Federation Limited (MAHFED) hruaitute a kawmna ah Chief Minister Lalduhoma chuan tuna Mizoram-a Fertilizer dealers neitute chuan an leitha zawrh te mipui nawlpui ban phaka siam lovin, to zawkin dan lovin an tiral thin tih sawiin, “Chuvang chuan an license te kan cancel vek dawn a, a thar in license kan pechhuak dawn a ni,” a ti a, mipuiten an mamawh ang zat sawrkar rate-a an lei theih ngei chu an duh a nih thu a sawi a. “MAHFED te chuan hmunhma te in nei tha a, in hralh ruk a rinawm loh bawk a, license thar pawh in hmu zui thei turah ka ngai a ni,” tiin an mamawh dang an thlen te leh central lama Project umzuipui an mamawhna ah te pawh hlawhtlin tak tak tuma hma an la a nih phawt chuan tanpui dan dap sak a inhuam thu a hrilh bawk.

MAHFED hruaitute hian Chief Minister hnenah hian hmunhma an mamawh thu leh rua-hmanna an siam mekte pawh an thlen bawk a ni.