CM leh AR hotu an inkawm

Mizoram Chief Minister Lalduhoma chu nimin khan Major General VK Nambiar, YSM, SM, Inspector General, AR (East) chuan a Pisa-ah hmuin lawmpuina a hlan a. Assam Rifle in Mizoram leh India hmarchhaka hmalakna an kalpui tlangpuite hrilhin, Assam Rifles chuan Mizote thian tha ni zel turin kawng tam takah hma an la ve tih an sawi a. Zokhawsang-ah AR ten anmahni senso liau liau a an din School tlawh tura sawmin, Chhingchhip Sainik School in mamawh an neih te a thlen bawk. He hunahhian Chief Minister pawhin Mizoram-ah ruihhlo leh dan lova kuva ro tawlh a nasa em em tih sawiin, “Heng thil tha lo kal thin te hi tihtawp hmiah kan tum a, nangni pawhin nasa takin in thawk tih ka hria, lawmthu ka sawi,” tiin theihtawp chhuah chhunzawm zel turin a ngen bawk a ni.