Adviser to Chief Minister (Finance) in Union Finance Minister leh mi pawimawh dangte dawr

/

Adviser to Chief Minister (Finance) TBC. Lalvenchhunga MLA chuan Zirtawpni khan Union Finance Minister Nirmala Sitaraman-i chu a Pisa-ah hmuin sawrkar thil pawimawh hrang hrangte a sawipui a. Hemi hnu hian mi pawimawh dang pawh a dawr nghal bawk.

TBC. Lalvenchhunga chuan Mizoram sum leh pai dinhmun te, Centrally Sponsored Scheme, Central Sector Scheme leh Fund hrang hrang hmanga Mizorama hna thawh a nih thin dan te, sawrkar tharin ram hmasawnna atana ruahmanna thar a neih hrang hrangte Union Minister hnenah hian a thlen a. Central Sawrkar chhawmdawlna an dawnte chu tha taka lo kalpui an tum thu te pawh sawi bawk.

Adviser to Chief Minister (Finance) TBC Lalvenchhunga hian Inrinni khan NITI Aayog-a Senior Permanent Member, Economist Dr. Arvind Virmani hmuin sawrkar thil pawimawh hrang hrang a sawipui a, Dr. Arvind Virmani bakah hian Mizoram leh Meghalaya bialtu Hemant K. Meena, Deputy Secretary chu Mizoram sawrkar hmalak dan leh kalphung hrang hrangte sawipuiin NITI AYOG Member for North East Dr. Paul, Additional Secretary Radha leh mi dangte pawh Vawiin lam hian hmuh leh a tum bawk a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »