Mizo thalaite thatchhia tia sawi thin MYC Chairman in a ngaihdan a ni ve lo tih a sawi

Mizoram Youth Commission (MPYC) Chairman thar Malsawmzuala Ralte chuan Mizo thalaite kan thatchhia tih tawngkam ri thin chu a ngaihdan a nih loh thu a sawi.

MYC Chairman thar hian nimin khan MINECO-a MYC Office-ah a hna zawmin hemi puala inkhawm buatsaih ah MYC Chairman chuan Mizo thalaite zingah an thiam zawng, chak zawng leh rilrem zawng thawk a hlawhtlinpui turin hun remchang (opportunity) a vang tih sawiin, an tuina zawng tak thawh a rem rih loh vanga sum la thawk chhuak lo, mahni ke a la ding thei lo, la intodelh lo leh la hlawhtling ve rih lo te kan nih thu sawiin, Mizo thalaite kan that chhia tih tawngkam ri thin chu a ngaihdan a nih loh thu leh awih ve zawng a ni lo tih a sawi a. Heng thalaite hi kaihruai a, an bana kai a an thiamna leh theihna tathriam a, chher hriam turin MYC chu din a ni tih sawiin, thalai lehkhathiam leh lehkha thiam lo, zir sang lo te thlengin kaihruaia kawng kawhhmuh turin theihtawp chhuah a tum tih a sawi a ni.

MYC Chairman thar chuan MYC chu ram hnuk pawimawh tak a nih avangin mawhphurhna sang tak a ko ah a tla tih a sawi a, chona thar hmachhawn tur a nih avangin a tan pawh inzir chawp ngai tam tak a awm dawn tih sawiin, Mizoram chhunga thalaite tana din a nih ang ngeiin MYC kaltlanga hmalak tul ang chi ah te, hma thar lakna tur chi te pawh thurawn engtiklai pawhin a la thei reng a ni tih a sawi bawk.

Comments

Popular News (Last 30 Days)

LPG man bithliah thar