MTOA leh MHEOW hruaitu ten CM an kawm

Chief Minister Lalduhoma chuan nimin khan a Pisa-ah Mizoram Truck Owners' Association hruaitute leh Mizoram Hindi Education Officers' Welfare hruaitute a kawm.

Mizoram Truck Owners' Association hruaitute nen an inkawmna ah hian Chief Minister chuan Aizawl leh Assam ramri inkar, Mizoram chak lakna kawngpui ber tha lo lai te avanga an harsatna leh thil dang pawimawh an thlen te sawipuiin, an harsatna tawh mek an sawi te chu a hrethiam hle tih a hrilh a. A theih anga ranga hmalak dan a dap tur thu hrilhin MTOA hruaitute awm lai hian PWD hotute a be nghal a. Tuna a chhe zual an sawite awmna hi NHIDCL chan a nih avangin a rang lama NHIDCL thuneitute sawipui dan turte pawh a ruahman nghal bawk.

Mizoram Hindi Education Officers' Welfare hruaitute a kawmna ah hian Chief Minister hian an mamawh hrang hrang te chu Education Minister hnehah lo thlen ve turin thurawn a pe a. An lehkha thehluh te chu uluk taka a lo en tur thu a hrilh a ni. Hindi Education Officer Welfare hruaitute hian lawmpuina hlanin, ram a kaihhruaina turah duhsakna an hlan bawk a ni.