Mat luidung Lung lak thin YMA in tihtawp tha an ti

Serchhip Sub-Hqrs. YMA chuan Serchhip Mat luidung Lung lak thin chu tihtawp tha an tih thu an sawi.
Serchhip Sub-Hqrs. YMA hian Inrinni khan Sub-Hqrs. YMA Executive Committee (SEC) thutkhawm chu Serchhip Sub-Hqrs. YMA Conference Hall-ah neiin tunhnaia Company thenkhat ten Serchhip Mat luidung-a Lung an lak chung-chang hi an sawiho a, hetianga luidung Lung lak thin hi tihtawp tha an tih thu sawiin, Sub-Hqrs. YMA OB, SEC leh Vigilance & Monitoring Committee hruaitu ten hun remchang hmasa berah a hmunah kalin en ho nise an ti bawk.

Serchhip Sub-Hqrs. YMA Vice President PC. Vanlalluna kaihhruaia SEC thukhawm hian kumin March 1-a Chapchar Kut hman leh tur lo inbuatsaihna atan Organising Committee chu Sub-Hqrs. YMA President Kawlthuama kaih-hruaina hnuaiah dinin Chapchar Kut hman leh ngei a nih theih nan hmalak nise an ti a. Serchhip Sub-Hqrs. YMA-a Asst. Secretary Lalrinmawia chuan hnathawhna avanga hmundang ah a awm tak avanga a chanvo a chelh zui theih dawn tak loh avangin Asst. Secretary atan Zonunsanga Kawlni (Serchhip Chanmari Branch) chu an thlang bawk.

Comments

Post a Comment

Popular News (Last 30 Days)

LPG man bithliah thar