Serchhip-ah PMFME chung-chang zirhona neih a ni

/

Food Processing a tui te leh eizawnna atana hmang te tan Pradhan Mantri Formalization of Micro Food Processing Enterprises Scheme (PMFME) hnuaia hamthatna leh tanpuina awm te inhrilhfiahna leh inzirtirna (Awareness) chu Inrinni khan Serchhip P&E Veng YMA Hall-ah neih a ni.
 Sawrkar laipui in State leh UT sawrkar te thawhpuia Centraly Sponsored Scheme a duan, PM Formalization of Micro Food Processing Enterprises Scheme zirhona hi Zosangliana, State Project Management Unit (SPMU) PMFME, Mizoram chuan kaihruaiin Prateek Katariya, National Project Management Unit (NPMU) chuan PMFME nihphung leh awmzia bakah hamthatna awm hrang hrangte a sawi a. He Scheme hnuaiah hian Food Processing Industries te hnenah bultanna tur sum leh pai, an khawl mamawh leh sumdawnna an kalpui chhun-zawm zelna tur Subsidy 35% aia tam hmuh let theihna (Processing Fee chawi ngai lo) tur Bank Loan lak theih dante,Common Infrastructure Guidelines hnuaiah NGOs, FPO, SHG, Entrepreneurship Proprieter te tan Incubation Centre kaltlang Free Training kalpui theih anih dan te a sawifiah bawk a ni.


Serchhip-a PMFME zirhona hunah hian Serchhip a Farmers, Agrifood Processing lama tui leh hmala thar duh bakah hmalak belh duhtu te, Serchhip-a Bank hrang hranga thawktute leh District Commerce & Industries Centre, Serchhip a thawktute an tel a Zawhna leh chhanna hun te hman a ni bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »