Kohhran ten zuk leh hmuam chungchang an zirho

Nimin khan Champhai-a Kohhran hrang hrangte tan zuk leh hmuam chungchang inzirtirna hun buatsaih a ni.

CHANEM Conference Hall-a he hun hman ah hian State Nodal Officer Dr. H. Lianthangpuia chuan zuk leh hmuam in mihring nunna ah pawi thui tak a khawih theih dan a tarlang a, Mei zuk hi meizu ve lo, an bul ami te tan a hlauhawm thei tih a sawi a, Cancer a thlen theih avangin Mizo mipuite kan fimkhur thar a ngai hle tih a sawi a. Thangthar lo awm zel tur te'n zuk leh hmuam an rawn tih loh chuan kan ram in hriselna kawngah nasa takin hma kan sawn dawn tih sawiin, zirna kawngah pawh zuk leh hmuam that lohna inzirtir uar a tul thu a tarlang a, zirna sang lam aiin a hniam lamah ngaihpawimawh zual nise duhthusam a nih thu a sawi bawk.

He hunah hian NTCP-a State Consultant R. Lalremruata chuan zuk leh hmuam that lohna leh mihring taksaa a tha lo zawnga nghawng a neih dan a tarlang a. He huna tarlan a nih danin Phai a damlo refer te zingah za zela 92.23 in zuk leh hmuam an ti a, hemi kaihhnawih natna vanga refer hi za zela 57.53 an awm a, Cancer vanga refer za zela 34.32 an awm a, Cancer zinga za zela 85 te chu zuk leh hmuam vang a ni a, za zela 75 te chu zuk leh hmuam ti lo mahse an chhungte tih vanga vei an ni.

Comments

Popular News (Last 30 Days)

Vawiin-ah HSSLC Exam result