Fisheries Department in infuihtharna hun hmang

Fisheries Department-a thawktute chuan nimin khan Directorate of Fisheries Conference Hall-ah infuihtharna hun an hmang a, he hun hi Fisheries Minister Lalthansanga chuan a hmanpui a ni.

Nimin-a he hun hmanna ah hian Fisheries Minister chuan Sawrkar chu mipui awlsamna leh that tlan zawkna tura ding a nih thu sawiin, Fisheries Department hnuaia thawktute chu dikna, rinawmna leh inpekna nena thahnemngai taka hna thawk theuh tura a chah bakah ram damlo tidamtu ni ngei turin a sawm nghal bawk a. Kumin a Department hmalakna tur hrang hrangte leh ngaih pawimawh tulte a sawi lang bawk.

He hunah hian an Department Director F. Vanlallawma chuan an Department chanchin sawiin, Fisheries Department chu kum 1993 ah Agriculture Department atanga in dangin District sawm pakhat (11) ah Office an neih thu a sawi a. Staff indaihlohna avanga duhthusama hna an thawh theih loh thin thu a sawi bakah tun dihmunah Sangha dil nei mi 18,519 an awm thu leh Sangha tharchhuah pawh Metric Ton 5,029 a nih thute a tarlang a. Mizoram-ah Sangha dil siam theihna ram Hectare 24,000 a zau a la awm thu a tarlang bawk.

Nimin-a he hun hman hi Fisheries Secretary C. Lalzahngoa chuan kaihruaiin thawktute inhmelhriattirna hun a hmang a, he hunah hian District hrang hranga DFDO te pawh an tel bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man