Household Registration Bill hman thuai beisei

Mizorama chengte fel taka chhinchhiah nan leh dan lova pemlut venna atan Household Registration Bill chu a taka hman theih tura siamthat thuai an tum tih Chief Minister Lalduhoma chuan a sawi.

Kum 2019-a Mizoram State Assembly-a ‘Maintenance of Household Registration Bill’ pass tawh hi India President pawmpuina a ngai a, tun thlengin pawmpuina pek a la ni lo tih Chief Minister hian sawiin, President pawmpuina pe tur hian Bill hi a nihna anga pawm harsa tih lai an lo nei a, hnukkir a, a thar bill pass leh mai turin an rawn a. Hei hi buaithlak zawka a hriat avangin pawmpui harsa an tih lai chu hrilh se, chumi ang chuan State Assembly-ah siamthat leh mai zawk a rawt tih sawiin, Assembly Session neih hmasak berah House-a pharh tura peih hman an inbeisei tih a sawi. He thil hi Bangladesh atanga dan lo-a Mizorama lut te danna atan an duh tih sawiin, “Mi an pem dawnin, an pem san tur atangin pem lehkha an la anga, an pemna turah an lo chhinchhiah ve leh dawn a ni,” a ti bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man