VBSY nei chhunzawm zel

Sawrkar laipui hmalakna hrang hrang mipui ten chiang zawka an hriat theihna tur an chhawr tangkai theihna tura an khua ah kalchilha zirtirna hun, Viksit Bharat Sankalp Yatra (VBSY) chu Serchhip District-ah neih chhunzawm zel niin nimin khan Khawlailung leh Chekawn khua ah inzirtirna hi neih leh a ni a, sawrkar Department hrang hrang ten an hmalakna te mipuite hriat tura an puanzar bakah thuziak te sem a ni bawk. Ser-chhip District-a VBSY kalpui mek hi Vawiin hian Keitum, Bungtlang leh Piler khua ah te neih leh tur a ni dawn a, heti hian Hrangturzo Bial ah zofelin naktuk atangin Serchhip Bial-a khaw hrang hrangah neih leh tur a ni ang.