Barak Valley Cement Ltd. hotu ten YMA Office tlawh

Barak Valley Cement Ltd. hotute chuan nimin khan Aizawl-a Central YMA Office tlawhin YMA hnathawh hrang hrangte an thlawp tlat thu an sawi.

Barak Valley Cement Ltd. Vice President (Sales, Transport & Mines) Vimal Kumar Sharma, North East Region Manager Bipul Baruah leh Zone Manager (Mizoram) Lalramliani Ralte te chu nimin tlai khan Central YMA Office-ah hian lengin mipui vantlang tana Central YMA hnahthawh thin chu an hriatpui thu leh an hnathawh thin ropui an tih zia sawiin, “Kan Company chuan YMA hnathawh kawng hrang hrangah kan support tlat,” an ti a. An Company CSR Fund atangin Central YMA te nen Mizo thalaite infiamna liantham tak huaihawt an inhuam thu leh an Company senso veka Mizoram atanga an Company factory hnai ber Badarpur, Assam-a mi chu hmun hrang hranga YMA hruaituten a hmun ngeia tlawh saka zin turin sawmna an siam bawk a ni.

Central YMA hruaitute chuan Cement pawlh dal leh buk tling lo an duh loh thu leh hetiang a awm loh nana theihtawp an chhuah thin thu Barak Valley Cement Ltd. hotute hi an lo hrilh a, Cement pawlh dal leh buk tling lo a awm loh nan theihtawpa hma la turin an chah bawk a ni.

Company hotute sawi danin tun dinhmunah Barak Valley Cement Limited te hian Mizoram-ah Stockist 4 neiin Dealer leh Sub-Dealer 250 chuang an nei mek a. Thlakhatah Valley Strong Cement bag nuai 250 - 300 vel an hralhchhuak thin a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar