Lengpui Airport midang hnenah hlan tum mek a ni

Chief Minister Lalduhoma’n Lengpui Airport chu Mizoram sawrkarin enkawl lova midang hnena hlan an tum tih a sawi.

Inrinni kaltaa Aizawl-a thuthar thehdarhtute a kawmnaah Chief Minister Lalduhoma chuan Lengpui Airport enkawlna chu a hautak lutuk a, Mizoram State aia hausa tumahin State ta Airport nei duh an awm lo tih sawiin, State enkawl Airport lo la neih chu thil atthlak a nih thu a sawi a. Lengpui Airport hi Airport Authority of India (AAI)-ah emaw, Adani Group-ah emaw hnena hlan dan ngaihtuah a ni tih sawiin, chu chu Civil Aviation Ministry in an buaipui sak dawn a, Adani Group pawhin lehkha an rawn pek tawh thu leh a tu zawk hnenah nge hlan tha tih chu zirchian a, a rang thei ang bera hlan tum a nih thu a sawi.

Chief Minister Lalduhoma chuan State chhunga District 11-ah Heliport din a Helipad 15 siam belh chu an hmachhawp a nih thu a sawi bawk a, Mizoram-ah Helicopter tam zawk leh lian chi neih theih dan tur ruahmanna kalpui a nih theih nana hmalak a nih thu bakah Lengpui Airport-a Thlawhna service zingah tunah hian Indigo chauh a thlawk a, a chuanman nasa taka tihsan a nih avangin inelna a awm theih nan Air India lakluh dan kawng dap pui tura a sawm thu pawh a sawi bawk.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man