MYC Chairman thar in MS Academy a tlawh

Mizoram Youth Chairman thar Malsawmzuala Ralte chuan Inrinni khan MS ACADEMY (A Coaching Centre for Competitive Exams) Khatla tlawhin hun a hmanpui a. MS ACADEMY atanga MSSSB Combined UDC Exams 2023 a inziak tling mi 20 te hnenah lawmpuina a hlan nghal bawk.

MYC Chairman chuan MSSSB Combined UDC Exam hautak zet paltlang mi 20 leh an nu leh pa te chu a lawmpui takzet tih sawiin, Competitive Exam chu eng Level-ah mah a awlai lo tih a sawi a, “Theihtawp chhuah a exam beih a ngai a ni tih kan hre theuh a, hna tha tak nei tawh tih thinlung pu mai lo a, ram tana rawngbawl turin Competitive exam sang zawk bei zel tura inbuatsaih turin ka ngenin ka sawm a ni,” a ti. MYC Chiarman thar chuan mumal taka hun hman dan tur ruahmanna (plan) time table siam a pawimawh thu leh hun vawn dik kawngah pawh tan la a, hun vawng dik mi chu a inthlahdah ngai lo a ni tih sawiin, sawrkar hna chu ram tana rawngbawlna pawimawh tak a ni tih hria a, thahnemngai taka thawk turin leh an kal zelna turah duhsakna a hlan bawk a ni.

MS ACADEMY, Khatla hi August ni 9, 2019 a hawn a ni a. State Competitive Exams (Group A & B) turte tan Coaching pek a ni a, tun dinhmunah hian aspirant 3254-in Mentoring Programme, Test Series, Mains Crash Course, Prelims cum Mains, Group B Gazetted & Non-Gazetted Coaching Class an zawm tawh a ni.

Comments

Popular News (Last 30 Days)

Vawiin-ah HSSLC Exam result