A thlawna Coaching Centre kalpui CM in a tlawh

Headquarters 23 Sector Assam Rifles ten Mizo thalai, sum leh pai a harsate tan a thlawna NEET/JEE Entrance Test inbuatsaihna Coaching Centre an kalpui, Sentinel Centre, Zokhawsang a mi chu nimin khan Chief Minister Lalduhoma chuan a hmunah a tlawh.

Sentinel Centre a tlawhna ah hian Chief Minister chuan zirlai naupangte chenna building te, an Kitchen te, an Academic building leh an hmunhma dang te a en a, naupangte nen hian thingpui an inho bawk. Inkawmna hun neiin Chief Minister chuan an nihlawhzia hriaa theihtawp chhuah turin a fuih a. An hnua la rawn zir ve turte tan pawha entawntlak ni tur leh an tum ber NEET/JEE Entrance Exam paltlang ngei turin a chah a. Hetiang Coaching Centre tha, a thlawna zirna ni bawk an buatsaih avangin 23 Sector Assam Rifle, NIEDO leh Axis Bank te chungah lawmthu a sawi bawk.

He Centre hi Assam Rifle te hian National Integrity and Education Development Organisation (NIEDO) leh Axis Bank te nena tangkawpa hma an lakna a din a ni a. Kum li chhung kalpui turin ruahmanna an siam a, kum khatah zirlai 30 vel zel lain, mithiam bik ten coaching an pe a, awmchilh (residential) niin engkim a thlawnin zirlaite hian an dawng vek a ni. Kumin bikah hian he Centre-a luh tumin thalai za hnih chuang ten application an thehlut a, mi 27 lak an ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar