Sawrkar in Faculty Grading System thar hman tum

Higher & Technical Education Minister Dr. Vanlalthlana chuan College Zirtirtute tehfung thar, Faculty Grading System chu Sawrkar thar in kalpui a tum thu a sawi.

Mizoram College Teachers’ Association (MCTA) General Conference vawi 44-na nimin-a Govt. Aizawl College, Mualpui a neih a hmanpuina ah H&TE Minister Dr. Vanlalthlana chuan sawrkar thar in Faculty Grading System a hman tur thu sawiin, hei hian zirtirtute tan a lak tir piah bakah zirtirna kawng ah nasa taka a puih theih thu a sawi a. College ah te zirna in hma a sawn thei nan NAAC Accreditation pawimawhna te sawi zauin College tin leh zirtirtute hmasawnna lam hawia tan la zel turin a fuih a, Research leh Research Project pawimawhna leh heng te kalpui zel tur leh heng lama tan turin college zirtirtute kalkhawm a fuih bawk.

Minister Dr. Vanlathlana chuan Politics leh Ram rawngbawlna lama a zinkawng leh hmalaknate leh a hmachhawpte a sawi hnuah, Zirtirtu anih anga Higher and Technical Education Department a chan avangin a lawmthu leh a phur thu a sawi a. Education/Higher Eduaction leh NEP lama hmachhawp leh a pawimawhna te a sawi langin, System thar Higher Education-in a mamawh thu te, infrastructure tih changtlung a tulna te, State University din a pawimawhna leh hmalak an tum thu te a sawi lang bawk a ni.