Election Commission of India chuan Mizoram State Legislative Assembly Inthlanpui-a Vote tla chhiar hun tura ruat December 3, 2023 (Pathianni) chu a tuk, December 4, 2023 (Thawhtanni) a chhiar turin a rawn sawn ta.
Serchhip khawpui chawmna atana PHE Department in Tuikum lui an lakna fintu Khuangthuama Kawrchu Tur hmanga hrai nia hriat a ni a, a hraitu nia hriat mi pathum te chu man an ni.
Mizoram Board of School Education (MB-SE) chuan kum 2024 HSLC Exam Result chu Vawiin hian a tichhuak dawn ta a, Vawiin chhun dar 12:00 hian HSLC Exam result hi tarchhuah tur niin anmahni (MBSE) pisa, Chaltlang, Aizawl-ah leh internet kaltlangin www.mbse.edu.in leh www.mbseonline.com ah te en theih a nih dawn bakah a mamawh tan result bu a lei theih dawn a. Office hun chhungin WhatsApp leh phone call hmangin Ph. No. 9863883041 leh 9863722521 te biak theih a ni dawn bawk a ni.
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Lalpa ropui ber rawhse,pathian ni a,vote chhiar hi chu a fuhlo em ani
ReplyDelete