Tuirini lui-a Oil paih chungchangah FIR thehlut

Centre for Environment & Social Justice (CESJ) chuan Seling leh Keifang inkar Tuirini lui chunga Oil an hmuh chungchangah FIR an thehlut.

CESJ chuan, Seling leh Keifang inkar Tuirini lui chunga Oil hmuh a nih thu an dawn bawhzuiin Saitual Police Station-ah FIR thehlutin, Police ten a hmunah investigation an nei nghal a, Oil hi Sathanglui (Turini lui thlen hma km 2 vel) atanga luang lut nia hriat a ni a, helai vel hi Seling Police Out-Post huamchhung anih vangin CESJ chuan Seling Police Out-Post ah FIR an thehlut leh nghal bawk.

Hemi chungchangah vek hian CESJ chuan Mizoram Pollution Control Board (MPCB) ah Complaint an thehlut nghal bawk a, MPCB lam hian hmalakna nei nghalin lam kal an intir nghal bawk a. Hetianga kan ramngaw leh kan lui-te dimdawihna nei hauh lo a, hnamdang company leh kawnglai ten an suasam thin chu CESJ chuan pawi an tiin, hetianga chetna thleng reng rengah mipuite pawhin khua leh tui tha kan nihna lantira thuneitute hnen thlen vat zel turin an ngen bawk.